Home
Reiseberichte
Bilder
Familienmitglieder
Jahresrückblick
 
 


Äs gseht eifach wie immer troumhaft us im Summer bi üs!

Nachdäm dr Schnee wäg u drfür d Schwalbe zrügg si cho hets wieder afo blüeie i üsem Garte u i dr Hoschetet. Äs hei alli Guldfischli dr Winter überläbt, ou die bim Wasserrad. Üsi zwöi Schof bereite sich uf ä kommend Nachwuchs vor und mir uf üsi Summerferie.

Dr Tim isch mitz i de Abschlussprüefige. Nachhär chan är sich de Becker-Konditor nenne und wott bis zur RS Mexico unsicher mache. Die andere drü si no flyssig ir Bruefslehr/Schuel das Johr. D'Jacqueline planet Wyterbildigskurse z'bsuche, dr Hannes wott im Herbscht Equador bereise.


Vorhär aber, äbe i de Summerferie, zieht's üs nach Ängland und Schottland. D' Eva geit üs vorus und bsuecht in Brighton ä vierzähtägliche Änglischkurs.

D Jacqueline und dr Hannes si ou scho uf die grossi nördlichi Insel gfloge, sie hei vier Tag lang London dürforschetet. Dr Hannes het nur eis Ziel gha in London, är het unbedingt a d' ABBEY ROAD wölle. D Jacqueline het nä zig Mou gfötetlet, wie'n är über dä berüehmt Fuessgängerstreife gloffe isch, über dä scho d Beatles gange si. Ou ds Abbey Road Tonstudio hei natürlech nid dörfe fähle.